JAMITA PASSION V: MARPANGAOLOI MA HITA DISUARA NI TUHAN I (LUKAS 20:9-20)

 JAMITA MINGGU JUDIKA (LULUHON MA AHU ALE JAHOWA)

PASSION V

MINGGU, 06 APRIL 2025

Nats: Lukas 20:9-20

 

Patujolo:

Sude do hita ra hea merasa dang dihargai, dang dianggap di papulik sian kelompok alani sada kondisi tertentu. Pasti haacit do roha! Alai dipaingot do hita nangpe jotjot hita mengalami penolakan sian torop jolma nang songoni pe sian dirinta sandiri, alai Tuhan Debata tontong rade manjanghon hita dibagasan holong ni roha jala nabuas manesa dosanta songondia pe balgana. Dibagasan turpuk on berengonta ma songondia do Debata torus manurdukhon tangan-Na nang pe jotjot ta tulak Ibana, sai tontong do di asi i hita. Marhite jamita on  di jouhon do tu hita.

Tema: MARPANGAOLOI MA HITA DISUARA NI TUHAN I

I. Unang tulak Joujou_Na i

Dipatujolo ni umpama on, itajaha do taringot tu nampunasa ugasan porlak anggur pasahathon ugasanna tu angka pangula, nasida manjalo tugas laho mangaramoti porlak anggur i, alai disada tingki nampusa ugasan manuru naposona laho manjaho gogo ni porlak anggur i deba, pangula i justru manulak huhut mangolombuti naposo nasinuru ni nampunasa ugasan i. Songon i do nang tu anak ni nampunasa ugasan dung ditongos tu porlak i, gabe dipamate pangula i do Ibana.

Umpama on paingothon hita bahwa jotjot hian do hita songon pangula nangkingan. Dingolunta siganup ari, hita mungkin mangclaim bahwa hita “mempunyai hak” taringot tu ngolunta sandiri. Jotjot do hita membangkang, mangalo Tuhan i ditingki dipangido tu hita laho mamelehon parbue ni ngolunta tu Ibana—apakah itu waktu, talenta, gogo, manang nasa na adong di hita. Hita boe do tidak secara langsung mamunu naposo na sinuru ni Tuhan i, alai jotjot do hita manulak panjouon manang suara ni Debata dibagasan rohanta, gabe bais panjouon-Na, jala jotjot manulak holong ni rohana-Na nasa i marpamuati tu hita marhite manongos naposo-Na dohot Anak-Na Jesus Kristus.

Ditingki sai taulahon dosa, sasintongna na dohot hita mangalo, manulak Debata. Dibagasan rohanta, jotjot do sai tarimpu bahwa hita umbotoan aha na terbaik di dirinta. Jala on ima dosa naserius. Seharusna ingkon tasadari do bahwa panulakonta dang na marlapatan holan manulak patik-Na, alai dohot do naso mangargahon holong ni roha dohot pengorbanan ni Debata. Umpama on manggombarhon tung jolma pardosa situtu do hita huhut gabe marsirang do hita sian Debata alani panulakon ni rohanta.

II. Ai Parasi Roha Do Tuhan i tu Hita

Alai, dang adong barita na ummuli sian barita las ni roha, ima Injil. Ditingki hita mangodopi kenyataan pahit sian panulakonta maradophon Debata, Jesus Kristus ro mamboan panghirimon. Dibagasan umpama on, nang pe pangula porlak anggur i manulak huhut mangalombuti naposo nampunasa ugasan i, tong do pe dope ditongos nampunasa ugasan i anak-Na. Jesus do gombaran ni anak di umpama on, na ro tu portibion laho paluahon hita, nang pe diboto Ibana na ingkon marsitaonon Ibana, di tulak jolma i Ibana. Alai marhite hamamateNa di hau pinorsilang, Jesus manean sude utang ni dosanta. Dang adong na alani salana Ibana umbahen na tarsilang, Alai Justur Ibana mamillit lahot manggantihon hita manean uhumanta. Di hau pinorsilang, Ibana mandok: “Nunga Marujung” I ma nalaho paboahon tu hita bahwa sude penolakan, pangalaosionta dibayar lunas marhite holong-Na na sempurna. Nabagasan keputusasaan hian hita mangolu huhut naso marpangkirimon, alai Tuhan Jesus mangalehon ngolu-Na asa taruli hita di hangoluan na manontong dibagasan Ibana.

Sadihari pe hita ro tu Ibana dibagsan roha nagopo, manopoti angka dosa-dosanta, sai jouonna do hita manjalo asi ni roha-Na. Injil ima barita nauli, barita las ni roha napaboahon marhite haporseaon tu Tuhan Jesus Kristus, taruli hita di hasesaan ni dosa, dang holan taruli di hasesaan ni dosa alai di baen do hita gabe anak-anak ni Debata. Ibana mangalehon hita huaso tu hangoluan hombar tu lomo ni roha-Na. Siganup ari ima tingki na lehet di hita asa mangolu dibagasan asi ni  roha dohot pangoloion tu Ibana.

III. Alani Marpangoloi ma Hita di Suara ni Tuhan I

Marsiajar do hita sian turpuk on bahwa ngolu namarpangoloion tu Tuhan i manuntut hita laho mangargahon huhut manghamuliatehon pasupasu ni Debata di hita. Songon si ihuthon Kristus hita, dijou do hita asa marpangoloion huhut gabe jolma na haposan/ nabertanggung jawab, mangargahon aha di percayahon Tuhan i tu hita, isarana: parbinotoan, hamoraon, pangkat, gabe dohot ngolunta sude na i silehon-lehon ni Debata do i na wajib tapertanggung jawabhon di adopan ni Tuhan i. Hita dang pemilik ugasan, alai Debata do nampunasa, sude na adong di hita titipan ni Debata do i. Alani manang aha pe na adong di hita sai taboto ma mandok mauliate tu Debata, jala marsigantung tu Ibana ma hita, asa gabe jolma na haposan hita di adopan ni Debata.

 

Panurat:

Pdt. Jeprianto Marbun, S.Th

Plt. GKLI Resort Manduamas