TUHAN JESUS MANGHIRIM DIHASADAON NI ANGKA NA PORSEA (JOHANES 17:11b-19)

 JAMITA  SERMON

GKLI RESORT MANDUAMAS

MINGGU EXAUDI (TANGIHON-ALUSI)

Nats: Johanes 17:11b-19

 

Patujolo:

Diportibion naunringkot, ima sada ni roha, dang adong naso boe diulahon molo dos rohanta. Dang adong dihasadaon i, hagunturon, parsalisian, termasuk ma nang sibuan dalan na be. Pamatang ni Kristus do anggo hita, Ibana do nang ulu ni Huria. Di hasiholi Jesus do hita asa gabe sada, songon nasada pamatang hita di bagasan Kristus Tuhan i. Marsihaholongan, Saroha, sapingkiran, sapangkilalaan, sapanaonon dohot angka lan na asing, I ma panghilaanta molo nung sada hita di bagasan ulaon na pisahat ni Tuhan i tu hita.

Tema: Tuhan Jesus Manghirim Dihasadaon ni Angka na Porsea

I.           Dang Sarupa Hita tu Portibion

-        Di Psalmen 133:1-3 digombarhon raja Daud do di Ende Pujianpujian ni Ibana tu Debata ima hasadaon dohot haholongan sama dongan, mansai denggan jala sonang do molo tung pungu sahundulan angka namarhamaranggi, songon miak nahunsuk di ulu pola mabaor tu mise ni si Aron, pola mabaor sahat tu rambu ni angka ulosna. Songon nambur ni Hermon, na mabaor tu angka dolok Sion, ai disi do diparbaga Jahowa pasupasu, hangoluan sahat ro di salelenglengna.

On ma uli ni hasadaon ni angka porsea, dipasupasu Debata Ibana gabe pasupasu tu humaliangna sahat ro dihasusuda ni ngoluna diportibion. Gabe ngolu namarlapatan ngoluna, ngolu namanghilalahon pasupasu ni Debata, ngolu na selalu gabe berdampak positif tu angka donganna. Isani songon gula napamasuk tu aek, molo dikoncok gula i gabe mago gula i idaon, alai ndang na mago namarsada do ibana dohot aek i. Nang pe dang tarida gula I alai jolma namanginum aek boe manghilalahon gula I dibagasan aek i.

         Molo portibion, dang lomo rohana dihasadaonta angka naporsea, gaor ma nian, marbada ma nian, marsitombisan ma nian, marsilatean, marsiboan dalan na be, ido disangkapi portibion asa sega ulaon ni Tuhan I diportibion. Tuhan Jesus sandiri ro tu portibion tu tong di hasogohon,  alani hita: dang pola heran gabe sisogo diportibion di angka ulaon na denggan na sian Tuhan i.

II.        Pangisi ni Banua Ginjang do Halak naporsea di Hata ni Tuhan Jesus

Diturpuk on boe do Idaonta sian Tangiang ni Tuhan Jesus, bahwa Hata ni Jesus disarupahon tu Hatani Debata, jala Ido i tutu. Hata ni Debata nagabe jolma natatanda dibagasan Jesus Kristus, Jala on do na jinangkon ni sisean i.

Boasa didok Tuhan Jesus dang sian portibion angka sisean i? Sasintongna kalimat Penegasan do on bahwasana halak naporsea Tuhan Jesus manang orang yang menuruti Firman Kebenaran (Yakni yaitu: Yesus Kristus) secara otomatis dia adalah milik Surgawi. Pangalahota songon sisean ni Tuhan i pasti mangulahon lomo ni rohani Tuhan i. jala marasing do ngolunta sian halak naso porsea, marasing do ngolunta sian portibion, molo portibion gok late, hosom, elak alai anggo ngolu ni halak naporsea gok dame dohot pengampunan.

Alani do ngolu ni halak naporsea do diperlengkapi Tuhan I gabe ulaulana diportibion laho manghatindanghon hata Hasintongan i.

III.      Alani sada ma hita di ulaon na pinasahat ni Tuhan i

 Tujuan ni turpuk on dang laho patuduhon songondia do Tuhan Jesus martangiang, alai tarhirim do Jesus asa siseanNa mangihuthon teladan-Na di namambangun relasi na intim dohot Ama-Na. Sai sada ma hita saluhutna angka naporsea tu Tuhan i, tarlumobi ma ma di ulaon na pinasahat ni Tuhan i.