JAMITA ADVENT II
(PANOMUNOMUON DIHARORO NI TUHAN
JESUS)
MINGGU, 07 DESEMBER 2025
Evangelium; Matius 3:1-12
Patujolo:
Minggu Advent II on, i ma tingki di hita laho paradehon rohanta manomu-nomu haroro ni Tuhan i. Dang holan namanomu-nomu di ari Pesta Hatubu ni Tuhanta Jesus Kristus alai dohot do manomu-nomu Haroro-Na na paduahalihon di bagasan Hasangapon-Na. Songon halak Kristen hita, tontu marulak-ulak do hita ganup taon mar- Advent, molo saleleng on holan persiapan pesta do ta ulahon. Alai si Johanes Pandidi paboahon tu hita asa paradehon diri laho manomunomu hararo Raja Sipalua i. Alani I marhite jamita on di dok hata ni Debata do tu hita:
Tema:
“DIJOU TUHAN I DO HITA PARADEHON DIRI!”
I.
Unang
Pangasahon Pingkiranmu
Si Johanes
Pandidi, “I ma suara ni na manjoujou di halongonan (3b)” songon na sumiranghon
ni si Jesaya. Ibana ro dang na gabe pasobokhon dirina tu Mesias, manang
mangalului sangap tu dirina marhite ketenaran ni ibana, alai dipaserep do
rohana songon hatoban napature dalan di Tuhan i. Dang holan hamubaon ni roha di jamitahon
ibana, alai dohot do panindangion ni ibana taringot tu Jesus i ma Sipalua di
hita. Jesus do dipasangap si Johanes di jamitana, ditogu do halak tu Tuhan
Jesus dang tu dirina gabe di paburnang-burnang di punguan natorop i. Nagabe sungkun-sungkun di hita saluhutna,
Apakah hita nunga gabe suara panindangi na manogu-nogu tu Tuhan Jesus? Manang
sibuk do hita mangalului sangap tu dirinta?
Ringkot do hita
marsiajar sian pardalanan ni ngoluni si Johanes Pandidi. Sederhana do ngoluna, sian
paheanna bulu ni unto, sipanganonna sihapor dohot sintuak ni loba (ay. 4). Tegas
do Ibana di hasingtongan, jala serep do rohana, sederhana holan marsigantung tu
asi ni roha ni Debata do ibana mangolu, tarida do i sian pahean dohot sipanganon
na sederhana, mungkin marpinda-pinda do ibana mangalului sipanganonna. Pauba
hamu ma rohamuna nunga songgop Harajaon Banua Ginjang i, singot-singot do on mansai
karas do i tu halak Israel asa menyadari haridionna be songon jolma pardosa do
nasida. Dang adong sahalak pe na boe
pasidinghon dirina sian hadosaon i, jala dang adong halak pardosa na tama
jongjong diadopan ni Tuhan i mangasahon hadirionna sandiri. Halak na so
marhamubaon, tontu do adong konsekuensi manang na uhum na ingkon jalo on na
sian Debata, jala pasti marsirang sian Debata (Ay. 10, 12).
Marasing do tu
halak Farise dohot Saduse na ro tu ulaon pandidion i, dipinccang si Johanes do
nasida; “Hamu anak ni ulok! Ise do na mangajari hamu, pasidingkon rimas na ro
sogot? (Ay. 7)”. Boasa tung karas si Johanes manincang nasida?
Marhadomuan do i di napinangasahon nasida do pomparan ni si Abraham nasida (ay.
9) merasa naung nampuna surgo alai dao do rohana sian Tuhan i. Marugamo do
nasida, Par-Tuhan do idaon ni halak anggo rupa nasida, nabagak idaon di duru
manang penampilan alai dao do rohana sian Tuhan i. I do pola dipincang si
Johanes nasida marhite hatana; “Hamu anak ni ulok!”. Sasintongna singot-singot do on di halak
Farise dohot Saduse, taringot haluaon dang tarbahen jolma i, tu haluaon
mangasahan hadirionna sandiri. Konfesi Ausburg Arkitel VI mamodahon tu hita; "Dang
di pasintong hita di adopan ni Debata marhite parulaon, gogo, jasa, amal ni
jolma, alai marhite asi ni roha-Na do marhite haporseaon di bagasan Kristus
Jesus."
Didok si Johanes di Ay. 10b: "Onpe, sitabaon ma nasa hau na so
marparbuehon na denggan jala sidabuhononhon tu api!." Parbue ni
hamubaon ni roha dang syarat tu haluaon, alai bukti ni haporseaon na mangolu (Jakobus
2:17). Di Adven II on, molo tarimangrimangi majolo
pardalanan ni ngolunta, jotjot hian do hita terjebak holan tu hasomalan.
Isarana rupani hasomalan marminggu, mar-ari natal, hasomalan partangiangan ala
di rahut ulaon roster molo parhalado ibana umbahen namarminggu, ala keluargana
parhalado gabe ro tu gareja, maila molo so marminggu holan manjaga harga diri,
punguan koor umbahen na ringgas dohot angka lan na asing tu punguan, di onjar
biar ni roha ala ni uhum ni huria umbahen ringgas mangulahon aturan. Jotjot
hian do hita terjebak tu hasomalon dang na ni onjar ni sihol ni roha parbagasan
i.
Molo na ni onjar
ni hasomalan do aturan do hape hita jotjot marhuria, dang dao tudos na hita
songon halak Farise dohot Sakude, idaon uli diduru ala roha parbagasan dao sian
Tuhan i. Si Johanes Pandidi di paingot do hita di jamitana namandok; “nunga
songgop harajaon banua ginjang i”. Namarlapatan patik ni Debata namogu-nogu
hita tu Hamubaon ni roha namanontong. Molo so marhamubaon dang tarbahen hita
namu-nomu Tuhan i.
II.
Ai
Ro do Jesus Mambaon Haluaon di Hita (Ay. 11-12)
Dung di Jamitahon
si Johanes Pandidi taringot tu hamubaon ni roha dohot hasosonggop Harajaon
Banua Ginjang, di hatindanghon ibana taringot tu Jesus Kristus namandok; “Ia
ahu, aek do hudidihon tu hamu mandokkon paubahon roha; alai andul gumogo do na
ro sian pudingku, gari mamboan sipatuna hurang tama dope ahu. Didihonon ni I do
tu hamu Tondi Parbadia dohot api! (Ay. 11)”. Si Johanes Pandidi mandidi torop halak di
didisi di aek Jordan songon tanda hamubaon ni roha . Pandidion ni si Johanes i
ma tanda hamubaon ni roha alai dang pandidion na paluahon. Marasing do tu Pandidion
na binoan ni Tuhan Jesus, I ma na mandidi dohot Tondi Porbadia, namalapatan do
I bahwa pandidionna i, i ma ulaon ni Debata na mangalehon haporseaon dohot
ngolu na imbaru. Molo pandidion dohot api, I ma panguhuman tu halak na manulak
Tuhan Jesus Kristus. Jesus Kristus ro dang na holan manesa dosanta, alai dohot
do paimbaruhon rohanta marhite ulaon ni Tondi Porbadia.
Ditonga-tonga ni
hagaleanta mangulahon patik ni Debata, jot-jot do hita tardapot madabu tu
bagasan dosa. Dang tuk gogonta mamintori dirinta sandiri diadopan ni Debata
Badia, marhite angka parulaon, ketaatan narugamo, amal namarhadomuan tu gogo ni
jolma. Ala dang boe hita sempurna mangulahon patik ni Debata secara sempurna,
sementara tuntutan ni Debata Nabadia ingkon, sempurna. Alani do ro Jesus tu
tonga-tonganta, saor, rap dohot hita pardosa.
Pandidion na
pinasahat ni Jesus tu hita, i ma parhitean ni Debata napasadahon hita dohot
Tuhan Jesus Kristus. Marhite pandidion i, di pasintong do hita jala dipalua.
Pandidion i, i ma parhitean asi ni roha ni Debata na mangalehon hita haluaon
marhite Jesus Kristus. Jesus do namandidihon hita dohot Tondi Porbadia dohot
api. Naeng mandok tu hita do i, holan marhite haporseaon tu Jesus Kristus do
hita manjalo parulaon ni Tondi i, napaubahon rohanta jala mangalehon hamonangan
maralohon dosa.
Di Hata
Haporseaonta Ponggol III: Ahu Porsea di Tondi Porbadia, Aha do lapatan ni i? Na
diparhatutu rohangku do, na so tarbahen ahu porsea di Jesus Kristus Tuhanku
manang mandapothon Ibana, ianggo tung sian roharohangku manang sian gogongku
sandiri, na dijou Tondi Parbadia i do ahu marhite sian Barita Nauli, dilehon do
asi ni rohaNa patiurhon rohangku, diparbadiai do rohangku jala dipatongtong do
ahu dibagasan haporseaon na ture.
III. Alani Parade Ma Roham Manomunomu Sipalua i
Advent II on, on
ma tingki na lehet di hita laho mangarimangi ngolunta, nunga ulaning taparde
dalan tu Tuhan I di bagasan ngolunta? Si Johanes mangajarhon hita, hamubaon
namanontong dang holan na manolsoli, alai tarida do i sian parbuena na tarida
siganup ari. Nunga ro Jesus Kristus, na hinatindanghon ni angka panurirang.
Ibana do mangalehon tu hita sibasa-basa marhite asi ni rohaNa, di pandidihon do
tu hita Tondi Porbadia, namarhuraja di tonga-tonga ni ngolunta mangarajai
ngolunta paubahon rohanta, gabe roha naimbaru ma hita na mangolu mangulahon
lomo ni roha ni Debata.
Panurat: Pdt.
Jeprianto Marbun, S.Th