JAMITA VI DUNG TRINITATIS: BARITAHON MA BARITA NAULI (MARKUS 6:1-13)

 

JAMITA MINGGU, VI Dung TRINITATIS

(Hasitolusadaon ni Debata/ Ke-Tritunggalan Allah)

Minggu, 07 Juli 2024

Nats: MARKUS 6:1-13

Patujolo:

Sada naso siat tu pingkiran ni halak Nazaret tu Tuhan Jesus, ima ala tangkas ditanda nasida latar belakang ni Ibana sian keluaga na biasa-biasa, anak tungkang hau. Sahera so mungkin do rupani di halak Nazaret i, sahalak na tinanda nasida gabe sahalak pangajari naso adong latarbelakang Pendidikan teologi Formal songon rabi-rabi pada umumna, alai boe marhapistaran mangajari dohot marhagogoon patupa tanda halongangan. Tartutup mata haporseaon nasida dinamanghaporseai Ibana ala mamereng sian latarbelakang nametmet dohot na lea Ibana di huta hagodangan-Na.

TEMA:  BARITAHON MA BARITA NAULI

 

I.         NANG PE RAGAM ANGKA REHEREHE

Sada hasomalan ni Tuhan Jesus na so boe malua sian Ibana, Ima marbarita nauli. Dinamulak Ibana tu huta hagodanganna I ma Nazaret, lao do Ibana di Ari sabbat tubagas joro/ parguan nalaho mangajari, tarhalomong do roha ni natorop i, pola sungkun-sungkun taringot tu hapistaran dohot gogo na pinatupa ni Jesus. Ay. 2 “Sian dia do i tu Ibana? Jala hapistaran dia do i na nilehon tu Ibana? Ai ulaon hagogoon do hape pinatupa ni tanganna!” molo mamereng sian latar belakang ni Jesus sahera nasomungkin do di roha ni halak boe gabe pangajari Ibana.

Alai boe do tarhalomong nasida jala diakui do Tuhan Jesus taringot tu bisuk namalo mangajari secara intelektual.  Alai dang tarjalo nasida pangajarion i ala dang olo nasida membuka diri di pangajarion ni Tuhan Jesus, boasa? (ay. 3.) Ala ditanda nasida Jesus, ditanda keluargana, jala magodang disi do Jesus, jala anggi dohot ibotona pe tangkas ditanda, jala anak ni tukang hau do Jesus, kemungkinan pingkiran ni natorop i pe dang dao Jesus sian propesi ni si Josep. Boasa gabe songoni penolakan nasida? ima alani ginjang ni roha, dang olo membuka diri, dang arga dinasida molo adong naummaju sian luat nasida, dang siap nasida manjangkon barita nauli ala ni latar belakang ni Tuhan Jesus nabiasa-biasa di Nazaret. Ginjang ni roha, kecemburuan, dohot late on faktor na boe gabe manutup roha nasida manjalo hadirion ni Tuhan Jesus di bagas joro i songon sahalak panurirang namarhobas ditonga-tonga nisida i.  Dang tarjangkon nasida ulaon ni Tuhan Jesus dinamarbarita nauli ala ni leas ni roha mamereng latar belakang ni Jesus sian keluarga nametmet gabe holip nasida laho manghaporseai barita nauli napisahat ni Jesus tu tonga-tonga nasida. Jogal ni roha nasida gabe mampangkorhon dang taruli halonganan nasian Jesus di parguruan i, dungkon ni na niampehonna tanganna tu otik halak na hansitan, laho pamalum nasida.

Songon pangaranto Jesus na mulak tu huta hagodanganna, seharusna ingkondo mandapot dukungan sian luat i, ala sian anak tukang hau, boe gabe panurirang/ parbarita nauli na patureturehon partondion nasida diluatNa, alai justru dang dang mandapot dukungan jala dang di hargai. Tontu sada halongangan do dihita molo dang adong manjangkon hita diluatta angka sangkap hamajuon diluatta, seharusna ingkon didukung habis-habisan do i .

Jot-jot do masa dihita pangalaho sisongonon, jot-jot do dang arga angka halak namambaen nadenggan di hutana, sipata do olo dipandang sebelah mata, ala dang siap tu hamubaon tu hamajuon. Apalagi ma di ulaon ni Tuhan i napararathon barita nauli, tontu godangdo tantangan di adopi Ibana, penolakan, reherehe, dipandang sebelah mata alai ingkon siap do Ibana, nang pe halak mamereng rupa dohot/status ni inana, dohot anggi ibotona na biasa-biasa, anak ni tungkang hau. Alai serep do roha ni Jesus dang gabe muruk Ibana dompak nasida, jala dang gabe kecewa Ibana ditingki halak kecewa tu Ibana. Justru di patupa do nadenggan marhite pamalum piga-piga namarsahit atik pe ndang diboto mandok mauliate. Tanpa disadari nasida menolak laho porsea tu Tuhan Jesus sarupa manolak haluaon na sian Debata na ro tutongatonga nasida. Dibege nasida do barita nauli, diboto nasida do barita tanda halonganan napinatupa ni Jesus, alai respon nasida dang olo porsea.

 

II.       AI DIPARGOGOI DO HITA DOHOT HUASO NI TUHAN JESUS MARBARITA NAULI

Barita nauli ima pangajarion hata ni Debata napaboahon tu hita barita las ni roha aha naung di ulahon Debata di hita, namambaritahon taringot tu Debata parasiroha dohot pardengganbasa. Jesus Kristus naung manghamonanghon hasesaan ni dosa tu sude jolma, jala marhite haporseaon tu Jesus taruli di hasesaan ni Dosa. Barita nauli ditujuhon tu sude jolma. Alani do ringkot do hita ingkon mambege barita nauli asa tubu hita gabe anak ni Debata, jala marhite barita nauli: bagabaga asiniroha ni Debata manghamonanghon hita jala menjamin hita, nang pe sahalak pardosa hita, tontong do hita anakhon-Na. Marhire Kristus Jesus hita gabe badia diadopan ni Debata. Holong dohot asi ni roha ni Debata manggorahon hita mangolu gabe anak ni Debata, na mamuji, namandok mauliate, melayani dohot mangoloi Ibana.

Dipargogoi do hita marhite huaso ni Tuhan Jesus mambaritahon barita las ni roha on, asa unang maila hita manghitandanghon Ibana, nang pe ditonga-tonga ni portibion gok mangambati hita, mangerehei, mangalesemi, memandang sebelah mata barita nali, alai margogo do hita marhite jaminan naung di hamonangkon Kristus di hita. Jala ido sihol ni Tuhan Jesus marhite pamaritaon barita nauli, torop halak gabe porsea asa taruli di hasesaan ni Dosa dohot hangoluan nasorasuda.

 

III.      SAI BARITAHON MA BARITA NAULI

Tugas dohot tanggung jawab ni angka naporsea, ima gabe panidangi di hata Tuhan Jesus, diajari do hita marhite turpuk on pardalanan ni Jesus dohot sisean I namarbarita nauli, mengalami penolakan dohot reherehe sian halak Nazaret bahkan boe kemungkinan di pengutusan ni Tuhan Jesus tu angka 12 sisean i di pamaritaon nasida di luar ni Nazaret alai tetap do setia nasida marbarita nauli tu luat-luat, dang gabe so nasida marbarita nauli alani adong tekanan dohot penolakan. Alani do ingkon siap do hita mengalami penolakan baik sian keluarga dekat nang pe didia hita maringanan, jala ima silang na taporsang songon si ihuthon Kristus hita, na siap menderita alani barita nauli, barita taringot tu KRistus. Pos rohanta songon sisean I naso mamboan manang aha, berarti holan bergantung tu asi ni rohani Tuhan i sambing do nasida, na tuk do Tuhan Jesus manarihon nasida di ulaon nabadia i, ima pamaritaon taringot tu asi ni roha ni Tuhan i di hita. Ingkon pos do rohanta di pangaramotion ni Tuhan i, jala satia tu hata ni Tuhan Jesus. Marsigantung tu Jesus do ngolunta angka naporsea. Jala na hot satia namamaritahon barita nauli.

Soli Deo Gloria :)