JAMITA VII DUNG TRINITATIS HATINDANGHON MA NASINTONG (MARKUS 6:14-29)

 JAMITA MINGGU, 14 JULI 2024

VII DUNG TRINITATIS (Hasitolusadaon ni Debata/ Ke-Tritunggalan Allah)

Nats: Markus 6:14-29

 

Patujolo:

Si Herodes Antipas ima inakhon ni si Herodes Aguang (Mat. 2:1) jala gelar ni raja na disolukkon tu ibana songon sada penghormatan manang hasomalon di luat i.

Ragam do laporan taringot tu Jesus na sahat tu si Herodes Antipas, jala gabe patubu roha biar dibagasan rohana, marsiala songon pandohan ni si Herodes Antipas taringot tu si Johanes Pandidi nunga di bunu marhite naditampul uluna marhite parentana tu suruanna hombor tu pangidoan ni si Herodias nagabe angkupna i. Boe sajo do si Herodes mangklaim Tuhan Jesus gabe si Johanes ala barita nasarupa do di hatindanghon Jesus songon si Johanes taringot tu Hamubaon ni roha. Ido pola di ay. 1b. Nunga hehe si Johanes Pandidi sian namate; i do alana, umbaen parhagogoon sisongoni i Ibana. Parhagogoon dalam kategori dia maksudna di turpuk on? I ma di pamaritaonna tu Hambuaon ni roha songon si Johanes, secara lantang dan terbuka. Sada siberengonta sian si Herodes Antipas, natontong ibana dibayang-bayangi rasa marsala, hinorhon ni keputusan ni ibana mangago hosani si Johanes Pandidi naso marsala (ay. 20), ala na dipincang dosana namambuat si Herodias anggiboruna gabe angkupna.

TEMA: HATINDANGHON MA NASINTONG

1.       Nang pe di hosomi hita (Ay. 19)

Si Johanes Pandidi ima sada panurirang na tegas jala barani mansuarahon hasintongan naso mamereng rupa baik masyarakat biasa dohot pejabat negara, isarana songon si Raja Herodes Antipas. Kehadiran ni ibana songon parbarita nauli, tontu do gabe menarik perhatian dohot ketenaran ni ibana satiha i di wilayah naginonggoman ni si Herodes Antipas. Nasala i sala do anngo di adopan ni si Johanes Pandidi, jala dang olo ibana kompromi manghasintongkon hasalaan gabe hasintongan, hot do ibana jongjong di hatigoran, namaritahon taringot tu Hamubaon ni roha. Songon tujuan ni parjamitaonna ido disangkapi tu si Herodes Antipas asa anggiat muba rohana disolsoli dosana dipangalangkuponna i tu anggi boruna si Herodias gabe angkupna. Sasintongna diboto si Herodes do si Johanes i sahalak na sintong nadaulat roha (Ay.18)  alai talu do rohana hinorhon ni hawanafsu namangarajai dirina. Pincangpincang ni si Johanes Pandidi mardophon si Herodes Antipas namambongkar dosa pangalangkupon dohot si Herodias patubu sogo ni roha ni si Herodias, jala manimpan demdan pola marsangkap naeng mambunu si Johanes Pandidi.

Songoni do gombaran ngoluni jolma diportibion, molo dibongkar dosana, dipincang, dipaingot, olo do ra mangalo, tubu sogo ni rohana, dendam, bahkan martahi naeng mangago hosana boe do masa. Dang lomo rohani dosa i kaluar sian haholomon i, selalu do menawarhon haulion dohot hasonangan diportibion dilehon tu ganup jolma. Alani jolma pardosa na nyaman disosana, pasti do torus mangalo patik ni Debata.

Pangalangkupon tu portibion dosa do i, napaloashon hawa nafsu mangarajai dirina lao pasonanghon dirina sandiri, gabe mambahen hita dang perduli tu patik ni Debata. Sosok songon tokoh teladan dihita ima, si Johanes Pandidi, na tegas jala berani memberantas dosa ni Herodes: sonogoni ma hita berani pasahathon angka nasintong. Dang na mura pasahathon hasintongan i, pasti do godang tantangan siadopanta, hosom dohot penolakan na mungkin boe ro tu hita. Alai Holan hata ni Debata do na tuk mamincang dosa asa bongot tu hamubaon ni roha.

 

II.     Asa Bongot tu Hamubaon ni roha

Songondia pe cara ni portibion menghalangi barita hasintongan i marhite hamamate ni si Johanes Pandidi, alai dang gabe so marsoara hasintongan i, dang gabe so mangula. Dang gabe hamatean menghalangi barita nauli laho mamincang paingothon si Herodes di dosana. Alai marhite barita haroro ni Jesus gabe di paingot ibana muse tu pamaritaon ni si Johanes di dosana. Gabe tubu roha biar di Ibana, roha merasa bersalah dipambahenanna, mangago hasintongan alani pangalangkupon tu portibion. Pangalangkupon namarlapatan maninggalhon, mengabaihon namangihot rohana hian gabe tu na nasing. Berselingkuh ibana sian hasintongan tu hagigiot ni portibion, untangi ibana di sorani portibion sian suara hasintongan.

                 Barita nauli, barita las ni roha naung sar tu hita ido napaingothon hita tu ulaon lomo ni roha ni Debata, dohot aha naung di ulahon Debata tu hita. Namanincang, paingothon, manogunogu hita (2 Timoteus 3:16).

Debata manghatai tu hita marhite Barita nauli, sialani do hita boe marsiajar songon dia mananda, manghaholongi dohot manghaporseai Ibana.

 Hombar do i 3 Musa 18:16 “Ndang jadi rampasonmu jolma ni hahaanggim, ala naung sampur tu hahaanggim”. Dipatik pasampuluhon pe didok do: Ndang jadi haliangan ni rohan bagas ni donganmu, ndang jadi haliangan ni roham dongan saripe ni donganmu, manang naposona baoa manang naposona boruboru, manang lombuna manang hodana, manang dia pe ugasan ni donganmu.

Dia do lapatan ni i?

Ingkon dihabiari rohanta Debata jala ingkon holong rohanta di Ibana, asa unang hita olo marangkal mangarohai ugasan ni dongan jolma dohot ugasan tinadinghon ni ompuna, siurupan do nasida mangaramoti asa ugasanna. Angkup ni i ndang jadi bolabolaonta pardihuta ni dongan jolma manang naposona pe, siapoan do nasida jala sidasdason mandapothon ulaonna hian.

Marhite patik on diajari do hita asa unang manangkapi dohot mambuat naso hakta temasuk nang jolma ni dongan jolma, paloashon hawa nafsu mangarajai dinta, pasonanghon roha, jala naso perduli tu patik ni Debata.   

Horas!